2023-yil 1-oktabrdan Respublika ixtisoslashtirilgan ona va bola salomatligi ilmiy-amaliy tibbiyot markazi negizida ona va bola skrining bo‘limi tashkil etilgan bo‘lib, shu kungacha O‘zbekiston Respublikasida Respublika ona va bola skrining markazi faoliyat ko‘rsatib kelgan. O‘zbekiston Respublikasi Prezidentining 2023-yil 8-sentabrdagi 296-son qarori bilan Respublika ixtisoslashtirilgan ona va bola salomatligi ilmiy-amaliy tibbiyot markazining bo‘limga aylantirildi. Respublika ixtisoslashtirilgan ona va bola salomatligi ilmiy-amaliy tibbiyot markazining 14 ta hududiy filiallarida ona va bola skrining bo‘limlari faoliyat ko‘rsatmoqda.

Bo'lim faoliyati yo'nalishlari:

• Homilador ayollarni homilada tug‘ma nuqsonlar va xromosoma sindromlari bo‘yicha prenatal skrining
• Tug'ma hipotiroidizm, fenilketonuriya, mukovistsidozni aniqlash uchun neonatal skrining
• Irsiy kasalliklarga chalingan bolalarga tibbiy-genetik maslahat

Bo‘limda quyidagi xizmat turlari mavjud:

• homilador ayollarni prenatal ultratovush tekshiruvi
• kordosentez
• amniyosentez
• sitogenetik tadqiqotlar
• biokimyoviy skrining
• orqa miya mushaklari atrofiyasi, konjenital hipotiroidizm, fenilkitonuriya bilan og'rigan bolalarni boshqarish va monitoring

Bo'lim boshlig'i - Ona va bola skrining masalalari bo‘yicha direktor o‘rinbosari, tibbiyot fanlari doktori Sharipova M.K. Bo’limda 16 nafar shifokor o'z faoliyatini olib boradi, shundan 2 nafari tibbiyot fanlari doktori va 2 nafari tibbiyot fanlari nomzodi.