"Respublika ixtisoslashtirilgan ona va bola salomatligi ilmiy-amaliy tibbiyot markazi" davlat muassasasi ("RIOvaBSIATM" DM, Markaz) O‘zbekiston Respublikasi onalik va bolalikni muhofaza qilish xizmatining asosiy muassasasi hisoblanadi, respublika ahamiyatiga ega ixtisoslashtirilgan tibbiyot muassasasi bo‘lib, ilmiy-amaliy tibbiyot majmuasini ifodalaydi. Markazda ilmiy, tibbiy-diagnostika, o‘quv, ma'muriy va boshqa bo‘limlar mavjud.

Markaz tarixi

• 1974-yil 1-oktabrda Toshkent shahrida 2-sonli tug‘ruqxona negizida KP MK va SSRI Ministrlar Sovetining 1974-yil 23-avgustdagi 418-sonli qarori bilan O‘zbekistonda homilador ayollar va yangi tug‘ilgan chaqaloqlarga yordam ko‘rsatish, akusherlik, ginekologiya, perinatologiya va anesteziologiya- reanimatologiya sohalarida yuqori malakali kadrlar tayyorlash bo‘yicha birinchi akusherlik va ayni paytda o‘quv va ilmiy muassasa – Akusherlik va ginekologiya ilmiy tadqiqot instituti tashkil etildi.
• O‘zbekiston Respublikasi Prezidentining 2007-yil 19-sentabrdagi “Sog‘liqni saqlashni rivojlantirish davlat dasturini islohotlarni yanada chuqurlashtirish va amalga oshirishning asosiy yo‘nalishlari to‘g‘risida”gi PF-3923-son Farmonlariga asosan 2007 yil 2 oktyabrdagi “Respublika tibbiyot muassasalari faoliyatini tashkil etishni takomillashtirish chora-tadbirlari to‘g‘risida”gi PQ-700-son qarori bilan O‘zbekiston Respublikasi Sog‘liqni saqlash vazirligi akusherlik va ginekologiya ilmiy-tadqiqot instituti akusherlik va ginekologiya sohasida davolash-profilaktika, ilmiy-uslubiy faoliyatni amalga oshiruvchi, respublika aholisini yuqori malakali ixtisoslashtirilgan tibbiy yordam bilan ta’minlovchi mustaqil ixtisoslashtirilgan tibbiyot muassasasi sifatida belgilangan.
• O‘zbekiston Respublikasi Vazirlar Mahkamasining 2009-yil 25-maydagi “Respublika ixtisoslashtirilgan ilmiy-amaliy tibbiyot markazlari faoliyatini tashkil etish masalalari to‘g‘risida”gi 145-sonli qarori va Respublika Sog‘liqni saqlash vazirligining buyrug‘iga asosan O‘zbekiston Respublikasining 2009 yil 1 iyundagi 160-son qarori bilan institut Respublika ixtisoslashtirilgan akusherlik va ginekologiya ilmiy-amaliy tibbiyot markazi deb o‘zgartirildi.
• 2022-yilda Markaz sog‘liqni saqlash sifati bo‘yicha xalqaro akkreditatsiyadan muvaffaqiyatli o‘tgan O‘zbekistondagi birinchi davlat tibbiyot muassasasi bo‘lib, Xalqaro sifat sertifikatiga ega bo‘ldi.
• O'zbekiston Respublikasi Prezidentining 2023 yil 8 sentabrdagi "ona va bola salomatligini muhofaza qilish, aholining reproduktiv salomatligini mustahkamlash chora-tadbirlari to'g'risida"gi PQ-296-sonli qaroriga muvofiq, respublika akusherlik va ginekologiya markazi, respublika reproduktiv salomatlik markazi va respublika skrining markazi negizida respublika ixtisoslashtirilgan ona va bola salomatligi ilmiy-amaliy tibbiyot markazi tashkil etildi. Respublika hududlarida Markazning 14 ta filiali tashkil etilgan.
• RIOvaBSIATM DM respublika ixtisoslashtirilgan akusherlik va ginekologiya ilmiy-amaliy tibbiyot markazi, Respublika aholining reproduktiv salomatligi markazi, shuningdek, "ona va bola" respublika skrining markazining huquqiy vorisi hamda O'zbekiston Respublikasida onalik va bolalikni muhofaza qilish xizmatining Bosh muassasasi hisoblanadi.

Markaz faoliyatining asosiy vazifalari va yo'nalishlari:

• xalqaro standartlar sifati va talablarining yuqori darajasida ixtisoslashtirilgan tibbiy yordam ko ' rsatishga mo'ljallangan yuqori texnologiyali moddiy va ilmiy bazani, shuningdek, akusherlik-ginekologiya maktabini shakllantirish;
• aholining akusherlik va ginekologiyada diagnostika, davolash va oldini olish bo'yicha ixtisoslashtirilgan, yuqori texnologiyali tibbiy yordam ko'rsatishga bo'lgan talabini qondirish;
• respublika, viloyat tibbiyot muassasalari va tuman (shahar) tibbiyot birlashmalarida reproduktiv yoshdagi aholida ekstragenital kasalliklar, homilador va yangi tug'ilgan chaqaloqlarni tekshirish, tug'ma va irsiy kasalliklarning oldini olish, tashxislash, davolash va reabilitatsiya qilish yo'nalishlarini rivojlantirish;
• plastik va estetik ginekologiya, yordamchi reproduktiv texnologiyalar (YoRT)kabi sohalarning rivojlanishi;
• tibbiy kadrlarni tayyorlash va qayta tayyorlash jarayonlarini muvofiqlashtirish;
• yetakchi xorijiy markazlar bilan hamkorlikda fundamental, amaliy va innovatsion ilmiy tadqiqotlar o 'tkazish va ularning natijalarini keng joriy etish bo' yicha takliflar ishlab chiqish;
• tibbiy xizmatlar ko'rsatish va tibbiy turizm sohasida yuqori malakali tibbiyot kadrlarini tayyorlash hamda ushbu xizmatlar eksporti hajmini oshirish;
• milliy klinik protokollar hamda diagnostika va davolash standartlarini ishlab chiqish;
• o'smirlarda reproduktiv organlarning patologiyasi uchun terapevtik va profilaktik tadbirlarni tashkil etish va o'tkazish;
• sog'lom oilani shakllantirish, ona va bola salomatligini muhofaza qilishning ilg'or usullari va texnologiyalarini joriy etish, shuningdek, erta prenatal va neonatal davrda tug'ma va irsiy kasalliklarni aniqlash, bolalar o'limi va tug'ma nogironlikning oldini olish bo'yicha chora-tadbirlarni ishlab chiqish;
• xalqaro tashkilotlar tomonidan respublikada onalar va bolalar bilan kasallanish va o'limning oldini olish bo'yicha tavsiya etilgan strategiyalarni keng amalga oshirish.

Markaz faoliyatini tashkil etish:

• Markaz davlat organi hisoblanadi
• Markaz o‘z faoliyatida O‘zbekiston Respublikasi qonunlariga, O‘zbekiston Respublikasi Oliy Majlisi palatalarining qarorlariga, O‘zbekiston Respublikasi Prezidentining farmonlari, qarorlari va farmoyishlariga, O‘zbekiston Respublikasi Oliy Majlisi Qonunchilik palatasining qarorlari va farmoyishlariga, O‘zbekiston Respublikasi Prezidentining farmonlari, qarorlari va farmoyishlariga, O‘zbekiston Respublikasi Vazirlar Mahkamasi, O‘zbekiston Respublikasi Sog‘liqni saqlash vazirligining buyruqlari va ko‘rsatmalari, boshqa qonun hujjatlari va ushbu Ustavga amal qiladi.
• Markaz faoliyatiga O‘zbekiston Respublikasi Sog‘liqni saqlash vaziri tomonidan lavozimga tayinlanadigan va lavozimdan ozod etiladigan direktor rahbarlik qiladi.
• Markazning oliy boshqaruv organi Markaz direktori, Markazning yetakchi tibbiyot va ilmiy xodimlari, shuningdek, Sog‘liqni saqlash vazirligi vakilligining 7 kishidan iborat Markaz Kengashi hisoblanadi.
• Markaz va uning 14 ta hududiy filiali O‘zbekiston Respublikasi akusherlik tibbiyot muassasalari faoliyatiga uslubiy rahbarlik ko’rsatib kelmoqda.

Manzil: 100124, O'zbekiston Respublikasi, Toshkent shahri, Mirzo Ulug'bek tumani, Mirzo Ulug'bek ko'chasi, 132a.

Aloqa telefoni: +99871 263 78 33 (direktor kotibi).

• Ma'muriyat: dushanba - juma 8.30-17.00, shanba 8.30 – 16.00
• Ilmiy-ta'lim bo'linmalari: dushanba - juma 8.30-16.00, shanba 8.30 – 15.00
• Oila va nikoh ilmiy maslahatxonasi: dushanba - juma 8.30-16.00, shanba 8.30 – 15.00
• Statsionar bo‘limlar – kechayu kunduz (shu jumladan bayram va dam olish kunlari)da